Астаналық тұрғын Facebook-тегі жазбасы үшін жауапқа тартылды

0
15
Астана тұрғыны Facebook әлеуметтік желісіндегі жазбасы үшін жазаланды, деп хабарлайды Baq.kz ақпарат агенттігі.

Астана қаласының Алматы аудандық сотына азамат Б. азамат К.-ның желіде оның қадір-қасиеті мен ар-намысына тиетін сөздер жазғанын айтып, моральдық зиян тигізгені туралы шағымданған.
Белгілі болғандай, 2017 жылдың маусым айында азамат К. «Мерседес» көлігімен арақашықтықты сақтамағандықтан азамат Б.-ның «Киа» көлігімен соқтығысқан. Салдарынан жол апатына айыпты деп танылған азамат К. Әкімшілік құқықбұзушылық туралы Кодекстің 611-бабы 2-бөлігі бойынша жауапкершілікке тартылады.
Содан кейін 2017 жылы қыркүйек айында азамат К. Facebook-тегі парақшасында Б. деген азаматты «көлігін қасақана соғушы» деген жазбасын жариялаған.
Сол себепті азамат Б. ар-намысына тиген азамат сотқа К-ның үстінен арызданып, моральдық зиянды өндіруді талап етті.

«Арызданушының ар-намысына тиіп, моральдық зиян келтіргені үшін азамат К-дан өтемақы өндірілді. Сондай-ақ, сот айыпталушыны Facebook әлеуметтік желісіндегі жазбасын жоққа шығаруға міндеттеді. Сот шешімі заңды күшіне енген жоқ», – делінген хабарламада.

Leave a reply


Notice: Функция WP_Scripts::localize вызвана неправильно. Параметр $l10n должен быть массивом. Для передачи произвольных данных в скрипты используйте функцию wp_add_inline_script(). Дополнительную информацию можно найти на странице «Отладка в WordPress». (Это сообщение было добавлено в версии 5.7.0.) in /var/www/vhosts/shyraiber.kz/httpdocs/wp-includes/functions.php on line 5313